Од денеска, 23 февруари 2024 година започна собирањето на потписи за листи на кандидат за Претседател на Република Северна Македонија. До сега, до Државната изборна комисија се поднесени вкупно 11 Изјави за прифаќање на иницијатива за собирање потписи за кандидирање за Претседател на Република Северна Македонија, информираат од ДИК.
Тројца од подносителите на изјавите ќе собираат потписи за кандидатура во подрачните канцеларии на Државната изборна комисија и пред нотари кои самите ги определиле. Во прилог се достапни листите на нотари каде што ќе се собираат потписите за кандидирање за Претседател на Република Северна Македонија
- Вело Марковски –Листа на нотари
- Билјана Ванковска Цветковска – Листа на нотари
- Стевчо Јакимовски- Листа на нотари
Осум од подносителите, собирањето на потписите за кандидирање за Претседател на Република Северна Македонија ќе го реализираат во Подрачните канцеларии на Државната изборна комисија.
- Томе Николоски
- Бујар Османи
- Господин Поповски
- Максим Димитриевски
- Ѓорѓи Манасков
- Арбен Таравари
- Мерсиха Смаиловиќ
- Зорица Цветковска
Собирањето на потписи ќе трае до 8 март 2024 година до 24:00 часот, а Подрачните единици на ДИК ќе работат секој ден (вклучувајќи ги сабота и недела) од 08:00 до 16:00 часот, освен на 8 март до 24:00 часот.
Кога подносител на листа на кандидат за претседател е група избирачи, потребно е да се соберат најмалку 10.000 потписи од запишаните избирачи во Избирачкиот список, додека кога подносител на листа на кандидат за претседател се пратеници, потребно е да се соберат најмалку 30 потписи од пратениците.
