![almak](https://strumicanet.com/wp-content/uploads/2025/04/srnet-banner-sofa-bed-garnituri-2025-optimized.jpg")
Екипата од шест натпреварувачи од Карате клубот „Шихан“ од Струмица освоија 11 медали на Светското првенство во фудокан карате, кое од 8 до 11 мај се одржа во Пулави, Полска. 7 златни, 3 сребрени и 1 бронзен медал, натпреварувајќи се во различни категории.
Тиме Крстев, кој настапуваше во категоријата 2014–2015 година освои четири медали: два златни во дисциплините кати и кати спорт карате, како и две сребрени во кихон кумите и борби до 35 килограми.
Жика Манасов се закити со бронзен медал во борби до 45 килограми во категоријата 2011–2013 година, додека Томи Ристов донесе златен медал во кати и сребрен во борби над 45 килограми, исто така во категоријата 2011–2013 година.
Во иста возрасна група, Бране Клепов се искачи на врвот на пиедесталот со злато во борби над 75 килограми, додека Филип Пасков, натпреварувач во категоријата 2007–2009 година, освои два златни медали – едно во кати и едно во борби над 65 килограми.
На оваа Светско првенство учествуваше и 52-годишниот струмичанец Златко Пасков, кој ја освои титулата светски првак во дисциплината кршење даски.
