Детектирај на време, превенирај заштити го вашето бубрежно здравје – едукативни предавања во организација на Центарот за дијализа „Диаверум“ Струмица

По повод Светскиот ден на бубрегот кој традиционално се одржува секој втор четврток во месец март со различно мото, Центарот за дијализа „Диаверум“ Струмица во соработка со СОУУД „Димитар Влахов“ од Струмица и поддршка од Здружението на бубрежно болни граѓани „Нефрон“, во салата на Советот на општина Струмица во Домот на АРМ организираше едукативни предавања на тема: Дали вашите бубрези се во ред?

На почетокот свое обраќање имаа Елисавета Колевска, менаџер во „Диаверум“ Струмица и директорката на училиштето „Димитар Влахов“, Јасмина Цамбулева.

За значењето на бубрежното здравје, како да се детектира и превенира навреме говореше Дитка Ивановска, спец. интернист, главен доктор во „Диаверум“ Струмица.

Емилија Котеска професор во СОУУД „Димитар Влахов“ и ученичката во трета година – медицинска сестра, Александра Милушева говореа на тема „Водата и здравјето на бубрезите“.

Љупка Сејменова, главна сестра во „Диаверум“ се осврна на дијабетичното стапало, превенција на компликации, додека Славица Велинска, медицинска сестра говореше за физичката активност кај пациенти на дијализа.

„Редовните прегледи се најдобра заштита. Разговарајте со доктор уште денес“, е пораката од „Диаверум“, кој е глобален партнер на World kidney day.