Делегација на Општина Струмица предводена од градоначалникот Костадин Костадинов е во посета на градот Кукуш во Грција, кој денеска го одбележува празникот на Светите Петнаесет свештеномаченици, според Грегоријанскиот календар.
„На покана на градоначалникот Димитрис Киријакидис, со делегација од мои соработници и советници, присуствувавме на утринската црковна литургија и литија на која присуствуваше и нашиот митрополит г. Наум и верници мои сограѓанки и сограѓани од Струмица. По утринската богослужба имав средба со градоначалникот Киријакидис на којашто разменивме нови идеи за продлабочување на соработката меѓу двете општини“, објави струмичкиот градоначалник Костадинов, упатувајќи им покана на домаќините за возвратна посета на Струмица на празникот Свети Петнаесет Тивериополски свештеномаченици, патрон на градот кој се слави на 11 декември.
