Дела на пет млади струмички фотографи изложени во Europe House – Струмица

Вчеравечер во просториите на Europe House во Струмица беше отворена групна изложба на дела на петте млади фотографи Дени Стефановски, Митко Ников, Никола Станишлевиќ, Дине Ристов и Тодор Маџаров. Посетителите на изложбата насловена „Погледот низ објектив“ имаа можност да погледнат фотографии од разни теми – портрети, бебиња, пејзажи, ноќни забави, силуети и да разговараат за нив со авторите.

Инаку, Europe House е основана од Делегацијата на Европската унија во Македонија и веќе има свои клонови во Скопје, Струмица и Крива Паланка. Клонот на Europe House во Струмица, чии простории се наоѓаат на улицата „Благој Јанков Мучето“, веднаш спроти Малиот градски парк, постои веќе две години и има организирано бројни настани за промоција на младите и нивните потреби.

ФОТОГАЛЕРИЈА