На социјалните мрежи кружи апел за изгубени две девојчиња во центарот на Скопје, се бара помош за нивно пронаоѓање. Девојчињата се од основно училиште во Босилово, тие заедно со своите соученици биле во Скопје на училишна екскурзија. Автобусите ги чекале подолго време да стигнат за враќање назад, но нив ги немало по што наставниците ја алармирале полицијата.
Информацијата ни ја потврди и помошникот на министерот за односи со јавноста на МВР, Тони Ангеловски.
„Денеска околу 16:00 часот во СВР Скопје е пријавено дека на територија на Центар се изгубиле две малолетнички од струмичко кои биле дојдени на училишна екскурзија во Скопје. Според пријавата на нивната професорка Е.А., последен пат ги видела пред ТЦ Веро Џамбо. Се преземаат мерки за пронаоѓање на малолетничките“ – стои во писмената информација.
На социјалните медиуми се споделува и нивната фотографија од надзорните камери во Скопје кога се упатиле кон центарот на градот, по што никој не знае што се случило.
ДОПОЛНИТЕЛНО во 00:17 часот – Двете девојчиња од струмичко кои со своите соученици денеска биле на еднодневна прошетка во Скопје, а од 16:00 часот беа пријавени во МВР како исчезнати од нивната наставничка, се пронајдени – потврди МВР.
