Две лица од Старо Балдовци приведени во Полициска станица, кај нив пронајдени моторни возила и предмети кои потекнуваат од извршени кривични дела

Синоќа во 02:00 часот во село Старо Балдовци, струмичко, полициски службеници од Секторот за внатрешни работи Струмица ги лишиле од слобода Ф.С.(40) и А.С.(45), двајцата од село Старо Балдовци. При претрес во домот на Ф.С., извршен со судска наредба, биле пронајдени и одземени три моторни возила за кои не поседувал соодветна документација, регистарски ознаки од возило, три моторни пили и други предмети за кои постои сомнение дека потекнуваат од извршени кривични дела. Додека, при претрес во домот на А.С., извршен исто така со судска наредба, биле пронајдени предмети за кои постои сомнение дека потекнуваат од извршени кривични дела, информираат од струмичката полиција.

Лицата биле задржани во Полициската станица Струмица, запознаен е Јавен обвинител од Основното Јавно обвинителство Струмица и по целосно документирање на случаите против нив ќе бидат поднесени соодветни пријави.