Двајца затвореници барани со потерница вратени во затвор

Од струмичката полиција информираат дека во текот на вчерашниот ден двајца затвореници барани со потерница се пронајдени и вратени во затворите.

Во првиот случај, во 16:00 часот во село Радово, струмичко, полициски службеници од СВР Струмица го лишиле од слобода О.О.(48) од село Старо Балдовци, струмичко, кој бил баран со потерница за издржување затворска казна за сторено кривично дело „тешки дела против безбедноста на луѓето и имотот во сообраќајот“. Лицето било спроведено во Казнено – поправната установа Затвор Струмица за издржување на казната.

Во вториот случај, во 21:30 часот во Струмица, полициски службеници од СВР Струмица го лишиле од слобода А.К.(30) од Струмица. Тој бил баран по потерница поради бегство од Казнено – поправната установа Затвор Штип, каде издржувал затворска казна во траење од три години за сторено кривично дело „тешки дела против безбедноста на луѓето и имотот во сообраќајот“, а имал за доиздржување 2 години и 5 месеци. Лицето било спроведено во Казнено – поправната установа Затвор Штип за доиздржување на казната.