Да и помогнеме на 9-годишната Тијана од Добрејци која цела година води битка со тешка болест – Итно се потребни финансиски средства

Тијана Ѓунѓевска, девојче на само 9 години, веќе речиси една година води битка со тешка болест. Нејзиното семејство и блиските упатуваат јавен апел за поддршка и помош, со надеж дека заедно ќе ѝ овозможиме на Тијана да го продолжи своето лекување.

Првата операција Тијана ја имаше на 8 ноември 2024 година. По неа следуваа пет циклуси хемотерапија и едно зрачење. За жал, по последната хемотерапија состојбата на девојчето се влошила, а на 11 август 2025 година била приморана повторно да замине на операција. Последните резултати, за жал, не се охрабрувачки, болеста продолжува да напредува.

Родителите и најблиските на Тијана со болка, но и со вера во човечката солидарност, повикуваат до сите добри луѓе: секоја помош, без разлика колку мала, значи надеж и нова шанса за ова девојче да ја продолжи својата животна битка.

„Со надеж и вера во Бога се обраќаме до сите кои имаат можност да помогнат. За нас секоја ваша поддршка е огромна“, велат нејзините родители.

Број на сметка: 200002562973471 Стопанска Банка

Број на девизна сметка во €: МК07200002239081159

BIC/SWIFT: STOBMK2X

Контакт телефон со таткото: 074 607 477