На денешната прес конференција градоначалникот на Струмица, Костади Костадинов во присуство на директорот на ЈПКД „Комуналец“, Љупче Љачев и техничкиот директор, Стојан Ефтимов покажувајќи го решението од Агенцијата за храна и ветеринарство потврди уште еднаш дека од вчера водата од водоснабдителниот систем на струмичкото комунално претпријатие е здрава и безбедна за пиење.
Градоначалникот Костадинов им се заблагодари на директорот на „Комуналец“, на техничкиот директор и на вработените во Филтер станицата коишто деноноќно и неуморно работеа да ја преработат техничката вода до степен на питка.
„Им се заблагодараувам за добрата соработка и на инспекторите од Агенцијата за храна и ветерина, што навистина им излегоа во пресрет на струмичани, можеби имало и притисоци, но го потпишаа записникот и ни овозможија ние како струмичани да ја надминеме едномесечната голгота. Елементарни човекови права како што е здрава и безбедна вода за пиење во ниту еден случај не смеат да бидат политизирани, како што таков обид имавме овде во општина Струмица и ние струмичани многу добро тоа на наш грб го осетивме. Им порачувам на сите надлежни институции да си ја гледаат својата работа без да мешаат политика во неа“ – кажа градоначалникот Костадинов.
