Градоначалникот на Радовиш Ацо Ристов е нов претседател на Советот на градоначалници од Југоистокот

Градоначалникот на општина Радовиш едногласно е избран за претседател на Советот за развој на Југоисточниот плански регион. Тој беше избран од страна на десетте градоначалници од Југоистокот, а ќе претседава со Советот за развој на Југоисточниот плански регион во наредната една година. Ристов се заблагодари на довербата на своите колеги градоначалници и истакна дека се надева во периодот што следува, како регион ќе се успее да се изборат за повеќе права, дека ќе се успее да се донесат повеќе проекти.

„Сите вработени во Центарот за развој на Југоисточниот плански регион мора малку повеќе да се ангажираат, бидејќи на пазарот сега има доста проекти, ние мора да се ориентираме кон европските проекти, сите знаеме колку ни се можностите да се финансираме од буџетот на Република Македонија, меѓутоа мислам дека има можности да се најдат средства, извори. Сите имаме некои ЛЕР одделенија по општините кои не се доволно ажурни и очекувам да соодветно не информираат за се што се случува, кадешто локалните заедници, единиците на локалните самоуправи ќе бидат соодветно, пред се информирани, а после да ни помогнете во подготвувањето на апликациите кои некои знаат да бидат доста комплицирани, посебно на делот на европските проекти што ќе претстојат, бидејќи со отпочнувањето на процесот на приближување ќе имаме доста работи коишто ќе се отворат и да бидеме сите со отворени очи и ум за да ги користиме европските прилики“ – кажа во своето обраќање новиот претседател, Ацо Ристов.