Градоначалникот на Ново Село во Љубљана им доделил плакети на словенечките спасувачки екипи кои помогнаа во големиот пожар во јули кај Бадилен

Во резиденцијата на Владата на Република Словенија, Вила Подрожник во Љубљана, на свечен настан во присуство на министерот за одбрана на Македонија, Владо Мисајловски и министерот за одбрана на Словенија, Борут Сајовиц, градоначалникот општина Ново Село, Ѓорѓе Божинов додели плакети на армиските пилоти, полициските пилоти и пожарникарите кои на 17 јули минатата година го спасија неговиот живот и животите на тројца пожарникари и тројца цивили за време на пожарите на планината Огражден кај Бадилен, информираат од општината.

Градоначалникот Божинов им се заблагодарил од име на неговото семејство, од граѓаните на општина Ново Село, од име на државата и од име на секој човек кој ги побарал за помош и се уверил во значењето на нивната работа и дело.

„Вашата нација заслужува да биде горда на Вас. Дозволете ни денеска во името на граѓаните на општина Ново Село и во мое лично име да Ви се заблагодариме. Најпрвин затоа што успеавте заедно со нашите пожарникари успешно да се исправите пред пожарот кој ги загрози некои од најубавите предели на Македонија и Балканот. Места прекрасни и чисти налик на редица локации во Вашата ценета Словенија. За мене ова прилика денеска има посебно значење. Ви благодарам длабоко и искрено што во денот кога решив сам да се спротивставам на огнот храбро ме извлековте од неговата закана“ – кажал во своето обраќање градоначалникот Божинов.