Градоначалникот Костадинов ја претставува Струмица на 5-от Глобален самит на силни градови

Градоначалникот на општина Струмица, Костадин Костадинов ја претставува Струмица на 5-от Глобален самит на силни градови што од денеска до 5 декември се одржува во Кејптаун, Јужна Африка, соопштија од општината.

Овој важен настан е организиран од Мрежата на силни градови и градот Кејптаун, а е спонзориран од Министерството за надворешни работи на Данска, Европската Унија и Стејт департментот на САД, а ќе се фокусира на решавање на критичните предизвици во градовите ширум светот.

„Огромно е признанието за Општина Струмица и работата на Локалниот Совет за превенција кои се препознаени на светско ниво. Како активни учесници на петтиот Глобален самит на силни градови земаме рамноправно учество со останатите глобалните лидери, со цел заеднички да ги адресираме клучните теми кои имаат предзнак ургентност-омраза, екстремизам и поларизација. Работиме да обезбедиме ниту една заедница да не стои сама во борбата за еднаквост, вклученост и безбедност“, стои во пренесената изјава на струмичкиот градоначалник.