Градоначалникот Костадинов со реакција на изјавата на премиерот Мицкоски: Досега имаме аплицирано со 13 проекти

По изјавата на премиерот Христијан Мицкоски во која тој го повика струмичкиот градоначалник да ја искористи можноста за вториот повик и да аплицира со проекти, на Фејсбук реагираше градоначалникот на општина Струмица, Костадин Костадинов.

„Прво, да му се заблагодарам на Претседателот на Владата што ми даде дозвола да ја критикувам работата на Владата. Навистина ми значи, особено во услови кога за цензура во јавниот говор токму тој одлучува.

Второ, досега имаме аплицирано со 13 проекти. Тоа што претседателот на Владата се уште не е информиран за нашите апликации е загрижувачки, особено што надлежниот министер кој треба да го информира стои позади него.

Подолу е листата на проекти за кои имаме доставено целосна документација. Сите овие проекти чекаат реализација“ – напиша Костадинов.