Градоначалникот Костадинов и директорот Љачев се напија вода од чешмите

Градоначалникот на Струмица, Костадин Костадинов, директорот на ЈПКД „Комуналец“, Љупче Љачев и раководотелот на Филтер станицата во Струмица, Стојан Ефтимов вечерва се напија вода од чешмата, од онаа вода што излегува од Филтер станицата и продолжува преку водоводната мрежа кон домаќинствата. Градоначалникот вечерва на прес конференција кажа дека според последните две испитувања водата е чиста, питка и безбедна за пиење, но ќе чекаат инспектор на Агенцијата за храна и ветеринарство да ја тргнат забраната за жителите на Струмица и шесте населени места.

„Имаме доказ дека водата во Струмица е исправна и истата е чиста, питка и безбедна за пиење. Останува дополнително да се почека анализата од Институтот за јавно здравје и во однос на хемиско-физичкиот состав и во однос на микробилогијата за да може инпекторот од Агенцијата за храна и ветеринарство да донесе решение за конечно употреба на самата вода“ – кажа Костадинов.

Тој кажа дека во изминатите три недели поминале низ вистинска голгота, институционална, политичка и експертска.

Инаку, Струмица и шест населени места веќе три недели се без вода за пиење, а од 8 октомври водата за пиење е забранета и во општината Василево, која исто како и Струмица со вода се снабдува од акумулацијата „Турија“. Водата од пред два дена е забранета за пиење и во населени места во општина Босилово, но тие се снабдуваат со вода од друга брана – „Иловчанка“.