Горан Пандев доби „Златна Бубамара“ за спортска легенда, Џамбо Агушев за најпозната труба

На синоќешното 26-то издание на Манифестацијата „Златна Бубамара на популарноста“, која се одржа во арената „Борис Трајковски“ во Скопје, струмичката фудбалска ѕвезда Горан Пандев доби „Златна Бубамара“ за спортска легенда.

Пандев го најави Игор Џамбазов со песната „Ла Вида Томбола“ од Ману Чао посветена на Марадона, ама направи измени во негов стил за да звучи во чест на Гоче. Кога Горан излезе на сцената имаше стоечки овации и буквално вресоци, а тој се пошегува: „По 8 месеци во пензија ме фати трема пред олку голема публика“.

За најпозната труба беше прогласен струмичанецот Џамбо Агушев, кој реди светски успеси и заедно со ДНК ја изведоа химната на животот „Ако утре ме нема“ и буквално грмеше целата сала.