Голем пожар во струмичко – се шири во повеќе правци

Голем пожар во близина на Винарската визба „Струмичко поле“ – се шири во повеќе правци. На терен се 14 пожарникари со четири противпожарни возила и сé уште не може да се стави под контрола.

Како што не информираше командирот на Противпожарната единица на Струмица, Александар Гудев пожарот кој избувнал околу 13:30 часот во моментот не може да се стави под контрола, бидејќи се шири во повеќе правци и кон селата Сушево, Владевци, Добрашинци. Зафатена е поголема површина, а ветерот ги менува правците на движење на пожарот.

Поради сериозноста на ситуацијата побарано е од МЕПСО да ја исклучи струјата во далноводот кој поминува директно низ пожарот и пожарникарите.