Голем број средношколци се собраа на струмичкиот плоштад за да изразат сочувство кон загинатите млади лица во Кочани

Голем број средношколци се собраа денеска точно на пладне на плоштадот „Гоце Делчев“ во Струмица за да изразат сочувство кон загинатите млади луѓе и поддршка за побрзо закрепнување од повредите од пожарот во дискотеката во Кочани, кој се случи ноќта помеѓу сабота и недела, а во кои загинаа 59 лица, 155 се повредени.

Струмица тагува и за својот сограѓанин, Ѓорги Ѓоргиев, 24-годишно талентирано момче, вработен во Основното музичко училиште „Боро Џони“ во Струмица, чија најголема љубов беа тапаните.