Во Центарот за култура во Струмица – Концерт од турнејата „Танго приказна“

Утре (5 октомври) од 20:00 часот, во Струмица ќе се одржи третиот концерт од турнејата „Танго приказна“, на кој ќе свири камерниот состав „Агогик“. За време на настапот танго ќе играат танчарите Владанка Колева и Онур Мок.

Турнејата „Танго приказна“ започна на 14 мај во Скопје, а составот „Агогик“ одржа уште еден концерт во Битола во јуни.

Ќе се свират танго композиции, милонги и валцери од најпознатите композитори на тангото, како Пјацола, Канаро, Гардел и други.

Камерниот состав „Агогик“ го сочинуваат Филип Петрески на хармоника, Ајхан Куртов на пијано и Пламенка Трајковска на виолина и постои повеќе од 15 години.

Сабота, 5 октомври | 20:00 часот | Центар за култура – Струмица