Во училиштето „Маршал Тито“ се одржа вториот завршен настан од проектот „Музиката од светот”

Вчера во Општинското основно училиште „Маршал Тито” во Струмица се одржа вториот завршен настан од проектот „Музиката од светот” на Здружението за музика, уметност и култура „Хармонија Акорд” од Струмица. Проектот финансиски беше поддржан од Општина Струмица.

„Со овој проект се потрудивме да ги промениме пристапите кон публиката, практиките за културно образование, систематските образовни структури и најважно од се е можеби тоа што овој проект ќе донесе и позитивна промена за секое поединечно лице вклучено во проектот. Целна група беа деца од 9 до 14 години од социјалните и етничките рурални средини. Подеднакво учествуваа и момчиња и девојчиња. Главна цел на проектот беше да им ја приближиме на децата музиката и традициите од повеќе земји кои можеби досега никогаш ја немаат слушнато“, велат од Здружението „Хармонија Акорд”.