Во три одделни случаи полициски службеници пронашле марихуана кај четири лица од Бориево, Ново Село и Колешино

СВР Струмица информира дека вчера (понеделник, 22 април) во 12:00 часот во село Бориево, струмичко, полициски службеници од СВР Струмица, постапувајќи по наредба на Основен суд Струмица, извршиле претрес во домот на К.И.(23) од село Бориево, при што била пронајдена марихуана.

Истиот ден во 17:30 часот во Ново Село полициски службеници го лишиле од слобода В.С.(33) од Ново Село, струмичко. При преглед на лицето била пронајдена марихуана.

Во 19:30 часот во Ново Село полициски службеници од СВР Струмица ги лишиле од слобода Д.К.(42) и К.Ѓ.(29), двајцата од Колешино, струмичко. При преглед на патничко возило „БМВ“ во кое биле затекнати двете лица била пронајдена марихуана, а марихуана била пронајдена и при преглед на Д.К.

Сите приведени лица во трите случаи биле задржани во Полициска станица Струмица, бил запознаен Јавен обвинител од Основното Јавно обвинителство Струмица, а по документирање на случаите против лицата ќе биде поднесена соодветна пријава.