Во Струмица се одржаа традиционалните Ноќни крос трки со над 50-годишна традиција

Во пресрет на празникот 11-ти Октомври, во организација на Меѓуопштинскиот Сојуз на училишен спорт – Струмица, а под покровителство на градоначалникот и Советот на општина Струмица се одржаа традоционалните „Ноќни крос трки 2024“.

Околу 500 ученици од основните и средните училишта од струмичкиот регион, во машка и женска конкуренција се натпреваруваа синоќа кој е најбрз, а трчаа на различни должини и патеки согласно возраста. На најдобрите три пласирани натпреварувачи – тркачи во секоја категорија им беа доделени медали и дипломи.

Кај средношколците, во категоријата I година – машки, првото место го освои Стојанче Николов од ДСУ „Никола Карев“, втор Јован Витанов ученик во СОУ „Димитар Влахов“, а трет Христијан Масев од СОУ „Јане Сандански“, додека кај девојките од I година првото место го освои Розита Пецева од ДСУ „Никола Карев“, зад неа беше Леонтина Пржолева од СОУ „Димитар Валхов“, а трета Босилче Василева од СОУ „Јане Сандански“.

Од II година кај машките најбрз беше Звонко Христоманов од СОУ „Димитар Влахов“, втор Филип Грендов од СОУ „Јане Сандански“, а на третото место Даријан Златевски исто така од СОУ „Јане Сандански“. Кај девојките најбрза беше Теона Галабовска од СОУ „Јане Сандански, а зад неа беше Викторија Петкова од ДСУ „Никола Карев“, а трета беше Јована Ристова од СОУ „Димитар Влахов“.

Во категоријата III и IV година средно образование – машки, првото место го освои Ѓорги Танчев од ДСУ „Никола Карев“, зад него беше Ристе Грендов од СОУ „Јане Сандански“, а третото место го освои Јован Дрвошанов од ДСУ „Никола Карев“.

Кај девојките, III и IV година, најдобра во крос трчање беше Тамара Костова од СОУ „Димитар Влахов“, втора Зорица Бојкова од ДСУ „Никола Карев“, трета Тамара Јаневски исто така од ДСУ „Никола Карев“.

Кај учениците од основните училишта – категорија VI одделение машки, првото место го освои Мерт Јакулов, втор Васил Николов, додека трет Диралјаш Исинов сите од ООУ „Герас Цунев“ од Просениково. Кај девојките прва Марија Глигорова од ООУ „Сандо Масев“ Струмица, втора Терезија Башковиќ од истото училиште, а третото место го освои Ева Поцкова од ООУ „Видое Подгорец“ од Струмица.

Кај седмоодделенците машки, првото место го освои Васко Костадиновод ООУ „Гоце Делчев“ Василево, второто за Давид Ѓоргиев од ООУ „Никола Вапцаров“, а трето место за Вае Насков од училиштето во Сарај. Кај девојките прва беше Ленче Тодорова, втора Јана Серафинова, додека третото место го освои Мија Дивјаковска сите од ООУ „Никола Вапцаров“ Струмица.

Во категоријата VIII одделение – машки, Зоран Гаштарски од ООУ „Сандо Масев“ го освои првото место, второто за Хадис Јакупов од ООУ „Герас Цунев“ Просениково и третото место за Јаман Аршим од ООУ „Гоце Делчев“ Василево. Прва кај девојките од VIII одделение беше Наталија Стојанова од ООУ „Гоце Делчев“ Василево, втора Ива Митева од ООУ „Никола Вапцаров“, додека трета Кара Гоџирова од истото училиште.

Кај машките од IX одделение првото место го освои Глигорие Иванов од ООУ „Видое Подгорец“ Струмица, втор беше Кристијан Николов од ООУ „Никола Вапцаров“, а трето место го освои Драган Пандев од ООУ „Маршал Тито“ Муртино. Кај девојките од IX одделение најбрза беше Марија Николовска од ООУ „Никола Вапцаров“, зад неа беше Танкица Коцева од истото училиште, а трета Ивана Атанасова од ООУ „Маршал Тито“ Муртино.

Утре, сабота, 12 октомври со почеток во 11:00 часот ќе се одржат и „Есенски Крос трки“ за најмалите ученици, од прво до петто одделение во големиот градски парк, односно во правец на Спортската сала „Парк“ и Градскиот стадион „Благој Истатов“ кон Детската градинка и споменикот на Борис Трајковски, каде ќе биде поставена целта.

ФОТОГАЛЕРИЈА