![almak](https://strumicanet.com/wp-content/uploads/2024/11/srnet-banner-noe-2-optimized.png")
По трет пат во Струмица во организација на Здружението „ПРОАГРО ФАРМЕРИ“ и Општина Струмица на 21-ви октомври со почеток од 11:00 часот ќе се одржи „АГРО САЕМ Струмица 2023“.
На Агро Саемот со свои штандови учество ќе земат 150 изложувачи од земјава и странство, кои ќе ја искористат оваа одлична можност за промоција и претставување на своите најнови производи и поврзување со деловни партнери од сите краеви на Македонија.
„Главна цел на саемот е да го промовираме домашното производство, да ја подигнеме свеста за домашно произведената храна и да овозможиме зајакнување на соработката и довербата помеѓу сите кои се вклучени во синџирот на земјоделско производство. Со саемот сакаме да им порачаме на посетителите да купуваат домашни земјоделски производи и да ги поддржиме локалните производители на храна кои можеби се мали по количина на производство, но се големи по квалитет“, вели Борче Јанев од Здружението „ПРОАГРО ФАРМЕРИ“.
Организаторите упатуваат јавна покана до сите граѓани да дојдат да го посетат саемот и да си ги купат своите омилени производи по саемски цени – разни слатки, џемови, ајвар, маџун, сирупи, масла, сокови, зачини, сирења и кашкавали, разни традиционални производи, рецепти и вкусови пренесувани од колено на колено, па се до најновите трендови на здравата храна.
Да излеземе сите во сабота од 11:00 часот и да ги запознаеме локалните херои – производители на храна, да ги слушнеме нивните приказни, да ја пробаме нивната храна и да се исполнеме со прекрасните вкусови.
Саемот финансиски е поддржан од: Општина Струмица, SWG North Macedonia и Министерството за земјоделство, шумарство и водостопанство.
Повеќе информации на следниот линк >>>
