Во Струмица од 5 до 19 јули ќе биде поставена изложба уметничка фотографија „ПРАВОСЛАВИЕ“ од Рајко Р. Каришиќ

Здружението за промоција на интелектуални, мултикултурни и спортски вредности – МОТУС од Куманово преку својот Фото клуб – Мотус во период од 5 до 19 јули 2024 година во НУ Центар за култура „Антон Панов“ во Струмица организира изложба на уметничка фотографија ПРАВОСЛАВИЕ со 32 фотографии од истакнатиот уметник и фотограф Рајко Р. Каришиќ од Белград, Србија.

На изложбата ќе бидат изложени фотографии од манастири и православен живот од балканот со посебен осврт на манастирот Хиландар од Света гора. Посебна тежина на изложбата даваат и фотографиите настанати од манастирите во Македонија.

Петок, 5 јули | 19:30 часот | Центар за култура – Струмица