![almak](https://strumicanet.com/wp-content/uploads/2024/11/srnet-banner-noe-2-optimized.png")
Синоќа во градот под Царевите кули, во градот на музиката и расадникот на најдобрите вокали се одржа 13-то издание на Фестивалот на староградски песни и серенади „Под кулите на Струмица 2023“.
Скромно, без сценска декорација, без името на фестивалот поставено на сцената, со по еден флаер во рацете на публиката, колку да се каже дека имаше фестивал на големата сцена во Центарот за култура „Антон Панов“ во Струмица. Но, не беше толку важна сцената, најважното е што традицијата продолжува како што продолжува и желбата за староградската песна и серенада, кои во минатото се задоволувале преку постоење на мали пејачки групи, хорови, ансамбли и културно уметнички друштва.
На 13-то издание „Под кулите на Струмица“ покрај домаќините „Распеани Струмичани“ настапија и „Распеани Радовишани“, „Распеани Валандовчани“, „Распеани Гевгеличани“, групата „Орнаменти“ од Штип и Октет „Прилеп“.
Фестивалот кој симболично е насловен „Под кулите на Струмица“, по една од најпознатите струмички песни, е од ревијален карактер, а е со финансиска поддршка на Министерството за култура и Општина Струмица.
