Струмица е домаќин на Државното шаховско првенство за млади шахисти од 8 до 18 години, во машка и женска конкуренција кое од денеска до 29 јуни се одржува во хотелот „Сириус“.
Околу 150 момчиња и девојчиња ќе водат битки на црно-белите полиња за освојување на титулите младински шампиони на Македонија во стандарден шах за 2024 година.
„Струмица е град кој секогаш во вакви прилики широко ги отвора своите порти на гостопримство, и секогаш на дело покажува дека е град-домаќин за пример“ – кажа во поздравното обраќање на отворањето на првенството, Зоран Костадинов, член на Советот на општина Струмица.
Организатор на оваа првенство е Шаховската Федерација на Македонија, а како координатор и коорганизатор се јавува Шаховскиот клуб „Цареви Кули“ од Струмица.
Ова е прв пат организацијата на овие првенства да се игра во Струмица, на што претходеше токму основањето на Шаховскиот клуб „Цареви Кули“, благодарение на шаховските ентузијасти во градот.
Резултатите ќе можат да се следат преку платформата „Chess results“ >>>
