Во петок и сабота Хуманитарна акција на Здружението „ВЕРА“

По повод Неделата на Солидарност која што секоја година се одбележува на симболичен начин, а по повод најголемиот христијански празник Велигден, Здружението за помош и поддршка на лица со Даунов синдром „Вера“ од Струмица, организира Хуманитарна акција за донирање на храна и средства за лична хигиена со цел да им се помогне на семејствата на членовите на здружението.

Препорачуваме сите хумани граѓани да донираат храна која не е лесно расиплива, како: ориз, грав, сол, шеќер, тестенини, масло за готвење, грашок, конзервирана храна и конзервирано овошје, супи, леќа, бисквити и слично.

Исто така неопходни се и средства за лична хигиена, прашок за перење, сапун за раце, шампон за коса и средства за хигиена на домот.

Пунктот за собирање на Вашите донации ќе биде поставен во просториите на Здружението „Вера“, во Инкубаторот, (поранешна касарна) во деновите петок и сабота (12 и 13 април), од 13:00 до 17:00 часот.