Во Општина Босилово собрани 1000 килограми пластика – за возврат граѓаните добија овошни садници од општината

И годинава со почетокот на пролетта Општина Босилово ја организираша акцијата „Овошно дрвце за пластични шишиња“. Граѓаните од сите населени места во оваа општина за еден час на планираните пунктови донесоа околу 1000 килограми пластични шишиња, односно општината преку комуналното претпријатие собра 16 тракторски приколки пластика. За возврат, секој што донесе најмалку 30 пластични шишиња доби по една овошна садница. Доделени беа 1200 садници, сливи, круши, праски и цреши, кои ги обезбеди Општина Босилово со пари од сопствениот буџет.

Општина Босилово преку оваа акција која ја организира по втор пат, сака да ја намали количината на пластичен отпад во општината и да се испрати порака до жителите дека пластиката треба да се селектира и да се депонира, односно транспортира на соодветно место.

Инаку, Општина Босилово во неколку населени места има поставено контејнери за складирање на пластика и стакло, а најавуваат дека планирано е поставување и на посебни садови за селекција на плaстика.