Во недела посебен режим на сообраќај во Струмица за време на трката „Сите за Кочани – Трчаме заедно“

Во недела, на 25 мај 2025 година, во рамките на хуманитарната иницијатива „Сите за Кочани – Трчаме заедно“, што ќе се одржи во седум градови низ државата, ќе се воспостави посебен режим на сообраќај во централното градско подрачје на Струмица.

 Времетраење на посебниот режим:

• Од 08:30 часот, ќе биде ограничено движењето на моторни возила на ул. „Ленинова“, на потегот кај стартната и целната позиција – спроти влезот на Градски Пазар „Глобал“ до семафорите.
  Овој режим ќе трае до 12:00 часот.
• Од 09:30 до 10:30 часот, ќе биде воведен посебен режим на сообраќај и затворање на улиците и булеварите кои ја сочинуваат трасата на трката:

Траса на трката:

• Стартот е на ул. „Ленинова“ (наспроти влезот на Градски Пазар „Глобал“),
• Трасата и посебниот режим на движење се одвива на: Булевар „Маршал Тито“ до кружниот тек кај Поштата, се упатува на Булевар „Гоце Делчев“ до следниот кружен тек, за да се сврти полукружно и по истата траса да се вратат повторно по Булеварите „Маршал Тито“ и „Гоце Делчев“ и стигнат до целта кај влезот на Градски Пазар „Глобал“

За време на трката, сообраќајот ќе биде регулиран и насочуван од страна на службените лица на СВР Струмица и волонтерите од организацискиот тим. Ќе биде поставена соодветна сигнализација за пренасочување на возилата.

Апелираме до граѓаните за разбирање и почитување на привремениот сообраќаен режим, со цел безбедно одвивање на трката и успешна реализација на оваа солидарна иницијатива.

За повеќе информации:
[email protected]

#СитеЗаКочани #ТрчамеЗаедно