Во манастирот на Светите Петнаесет во Струмица се празнуваше Голема Богородица

Во манастирот „Свети Петнаесет Тивериополски Свештеномаченици“ во Струмица, традиционално беше одбележан големиот христијански празник Успение на Пресвета Богородица или како што милуваат струмичани да кажат „Голема Богоројца“.

Викарниот Епископ Стобиски г. Јаков со свештеници на Струмичката Епархија утринава во манастирот одржаа Света Божествена Литургија, а се отслужи и посебен Молебен канон на Пресвета Богородица, со благослов на заедничкиот ручек подготвен од домаќините на манастирот.

Богородица се смета за заштитник на бремените жени, децата и на семејството, поради што многу цркви и манастири го носат нејзиното име. Празникот, Голема Богородица во Македонија се одбележува како државен празник и е неработен ден.