Во Добрејци се судрија мотоциклист и велосипедист – велосипедистот со тешки телесни повреди пренесен во штипската болница

Вчера околу 10:00 часот во село Добрејци, струмичко, се случила сообраќајна незгода помеѓу мотоцикл со струмички регистарски ознаки, управуван од М.М.(49) од село Пиперево и велосипед управуван од И.В.(74) од село Добрејци, информираат од струмичката полиција.

Во незгодата со тешки телесни повреди се здобил велосипедистот И.В., констатирани во болницата во Штип, а со телесни повреди се здобил возачот на мотоциклот, констатирани во болницата во Струмица. Увид на местото извршила екипа на Полициската станица Струмица.