Во Градската уметничка галерија во Струмица поставена изложба на фотографии од царското семејство Романови

Синоќа во Градската уметничка галерија во Струмица беше отворена изложба на фотографии „Во пресрет на рускиот цар, Романови – царско служење“, организирана од во Елеуса Фондација во соработка со Сретенскиот манастир од Москва.

Изложбата е составена од семејни фотографии, портрети од семејните албуми и претставува интересен проект од кој преку набљудување може секако во мал дел да се долови и преку слика да се навлезе во сегменти од живеењето на ова значајно историско семејство на Царска Русија.

Во голем број од фотографиите е прикажан секојдневниот живот и доловен е и прикажан хуманитарниот дух и хуманитарните активности на целото семејство.

Изложбата е прикажана над 300 пати на повеќе места ширум светот: Русија, Европа, Австралија, Америка.

Меѓу пристутните гости беше и директорката на Комисијата за односи меѓу верските заедници и религиозни групи, Оливера Трајковска.

ФОТО: Елеуса Фондација