ВМРО-ДПМНЕ Струмица: После 12 години од ветувањето, Костадинов се слика со премиерите и претседателите на СДСМ пред невидливата социјална населба

Од струмичкото ВМРО-ДПМНЕ со реакција на вчерашната посета и изјавите на Костадинов и Филипче на местото каде се гради Социјалната населба над Струмица.

Интегрален текст од соопштението:

„После 12 години од ветувањето, Костадинов се слика со премиерите и претседателите на СДСМ пред невидливата социјална населба.

На изборите во 2013 година, Костадинов како тогашен советник од СДСМ во Програмата за Локалните избори ветија изградба на 100 социјални куќи за турското население што живее кај терминалот. По 12 години нема ниту темел на една куќа, a не пак социјална населба.

Но, за да направат медиумска промоција, повеќе од една деценија Костадинов и Даскаловски пред избори се сликаат со различни претседатели и премиери на СДСМ, почнувајќи со Заев, Ковачевски и денешната фотосесија со Венко Филипче.

Сите овие години беа планирани повеќе од 2 милиони евра од буџетот на Владата. Потрошени многу пари и од општинскиот и од државниот буџет за невидливата социјална населба.

Костадинов во својата објава не пропушти да ја спомне Владата, со што очекуваме за својата неуспешност и политичка неспособност повторно да обвини некој друг.

Социјалната населба е пример за трулиот систем во Општина Струмица кој опстојува повеќе од 2 децении“ – напишаа од ОК на ВМРО-ДПМНЕ Струмица.