![almak](https://strumicanet.com/wp-content/uploads/2025/04/srnet-banner-sofa-bed-garnituri-2025-optimized.jpg")
Од ОК на ВМРО-ДПМНЕ Струмица со писмена реакција на вчерашната објава на градоначалникот Костадин Костадинов во врска со наградата „Личност на годината за 2024 на Југоисточна Европа“.
Писмената реакција ја пренесуваме во целост:
„Костадинов претера со пиарот, а во денови кога Струмица има најзагаден воздух, и цел месец немаше вода за пиење, тој се шета на скапо патување во Париз.
Костадинов на социјалните мрежи се пофали дека е, цитараме: „Личност на годината за 2024 на Југоисточна Европа, за посебни заслуги во трансформацијата на градови и добро менаџирање“.
Тоа што не го објасни е дека станува збор за плакета „Личност за 2024 за Југоисточна Европа“, која е вид благодарница која се доделува од Филмскиот фестивал на Југоисточна Европа во организација на Универзитетот „Европа Прима“ од Скопје.
Ваквото признание во вид на плакета служи за промоција на фестивалот во Македонија која во 2023 година ја доби градоначалникот на Радовиш, а во 2022 година ја доби градоначалникот на Кавадарци и други личности од Македонија.
Филмскиот фестивал на кинематографиите на земјите на Југоисточна Европа кој се одржувал во Париз, Берлин и Вашингтон е филмски фестивал за филмови од Балканот во организација на Универзитетот „Европа Прима“ од Скопје и македонската „ЕФА Продукција“. Директор на филмскиот фестивал е македонскиот драмски писател, Јован Плевнеш.
Оваа година, 14-то издание на фестивалот се одржа од 1 до 7 јуни.
Од медиумите може да се забележи дека праксата досега е претседателот на филмскиот фестивал да ја носи благодарницата по општините или компаниите во Македонија, што беше случај и со посетата на Плевнеш на Струмица во февруари оваа година.
Костадинов плакети со Плевнеш разменија во Струмица, а за посетата во Париз освен сопствената објавата на Костадинов која ја пренесоа македонските медиумите, никаде на интернет нема информации за настанот на кој Костадинов присуствувал.
Прашањета кои се поставуваат помеѓу струмичани се, што бара Костадинов во Париз во време кога е завршен филмскиот фестивал, но и кој го плати неговото патување во Париз и скапиот ручек во елитниот ресторант „Le Train Bleu“ од каде се пофали со плакетата?
Костадинов во време кога Струмица остана месец дена без вода за пиење поради неговата неспособност, се обидува со скап пиар самиот да се прогласи за успешен градоначалник“ – стои во писмената реакција на ОК на ВМРО-ДПМНЕ Струмица.
