Од Општинската организација на СДСМ Струмица денеска реагираат за физички напад на жител на Просениково затоа што јавно кажал дека ВМРО-ДПМНЕ ќе изгуби на изборите.
„ВМРО-ДПМНЕ и во оваа кампања ја покажуваат својата вистинска природа – закани, уцени и насилство.
Во Струмица, поточно во село Просениково наш сограѓанин беше брутално нападнат и со тешко телесни повреди, само затоа што јавно кажал дека ВМРО-ДПМНЕ ќе изгуби на изборите.
Случајот е потврден и од Министерството за внатрешни работи.
Ова е веќе видено сценарио од минатото, кога ВМРО-ДПМНЕ не знае да понуди програма и визија, тие посегнуваат по сила и страв.
Дополнително, бизнис-секторот е изложен на притисоци преку наводни покани за „трибини“, кои всушност служат за броење и евиденција, со јасна порака за казна кон оние што нема да присуствуваат.
Не застануваат ниту тука – граѓаните се уценуваат со возачки дозволи, а се ветува дека по изборите ќе се „решавале“ со масовно штампање, што е уште еден доказ за нивната безидејност и манипулативност.
Ова се методите на ВМРО-ДПМНЕ – закани, уцени, страв и насилство.
Но, граѓаните на Струмица веќе покажаа дека не подлегнуваат на вакви сценарија.
Демократијата, слободата и достоинството секогаш ќе бидат посилни од заканите“ – стои во соопштението на ОО на СДСМ Струмица.
