ВМРО-ДПМНЕ: Зошто и после три недели не е поставено раководно лице на институцијата на ПИОМ во Струмица

„Речиси цел месец ПИОМ без раководител, нема кој да ги потпише решенијата за пензија“, реагираат од Општинскиот комитет на ВМРО-ДПМНЕ во Струмица.

„Како што доаѓа крајот на владеењето на СДС и ДУИ хаосот во државните и општинските претпријатија е се поголем. Колапсот на системот е на директна штета на пензионерите, кој по игнорантскиот однос од министерката Тренчевска за пензиите, деновите се соочуваат со системски хаос во Струмица.

Откако Раководителот на Фондот за пензиско и инвалидско осигурување Струмица беше именуван за директор на ЈПКД „Комуналец“ Струмица, Подрачното одделение остана без раководител. Во моментот речиси цел месец нема кој да потпишува решенија.

Лицата кои во моментот остваруваат право на пензија не можат да ги добијат своите решенија и не можат здравствено да бидат осигурани. Ова значи дека тие лица во моментот не можат да го остварат правото на пензија и правото на лекување и препишување на месечната терапија.

Прашуваме, зошто и после три недели не е поставено раководно лице на институцијата на ПИОМ во Струмица? Дали никој не се нафаќа да биде на чело на бродот што тоне? Дали СДС немаат кадар или до толку недомаќински работат, што целосно заборавивија на пензионерите?

На изборите во мај оваа власт на СДС и ДУИ треба да биде казнета од народот за негрижата кон државата“ – стои во реакцијата на ОК ВМРО-ДПМНЕ Струмица.