Ветерани одбојкари од Македонија и Бугарија одиграа натпревар во пресрет на празникот на Струмица

Денеска во спортската сала „Партизан“ во Струмица се одржа традиционалниот меѓународен турнир во одбојка за ветерани, кој повеќе од една деценија се организира и одржува во чест на патрониот празник на Струмица – Светите Петнаесет Тивериополски свештеномаченици. Наместо турнир годинава само еден натпревар помеѓу екипите на Струмица и Разлог, Бугарија, бидејќи во последен момент екипите ветерани на Краљево, а потоа и на Врање од Србија, го откажаа учеството.

Ветеранските екипи на Струмица и Разлог, кои имаат 60-годишна спортска соработка, во овој единствен натпревар ги одмерија силите, а како малку подобри со резултат од 2:1 се покажаа домаќините.