![almak](https://strumicanet.com/wp-content/uploads/2025/08/srnet-banner-аugust2025-optimized.jpg")
На влезот во градот Струмица од кај Радовиш, во новопланираната станбена зона покрај магистралниот пат, познатите брендови „Веро“ и „Џамбо“ ќе градат свој објект. Ќе инвестираат 3 милиони евра, а во маркетот „Веро“ и продавницата „Џамбо“ планираат да вработат 70 граѓани. Трговскиот објект со супермаркет ќе има современа архитектонска градба и атрактивен облик на површина од 5.000 м².
Градоначалникот на Струмица Костадин Костадинов, денеска во својот кабинет му го предаде Одобрението за градба на сопственикот на компанијата „Веропулос“, Николаос Веропулос.
„Нова директна странска инвестиција. Аирлија мои струмичани, познатите брендови „Веро“ и „Џамбо“ ќе ги имаме и во Струмица. И во време на голема криза нашата Струмица е препозната општина за нови инвестиции“ – напиша Костадинов на Фејсбук.
Со 300 маркети брендот „Веро“ е еден од најуспешните продажни синџири во трговијата на мало на Балканот.
