Вандализиран големиот споменик на Гоце Делчев во Струмица

Големиот споменик на македонскиот револуционер Гоце Делчев поставен на плоштадот во Струмица утрово осамнал со испишани пораки напишани со авто лак од засега непознати сторители. Фотографии од сквернавењето на споменикот се објавуваат на социјалните мрежи и граѓаните револтирани од овој вандалски чин коментираат и бараат надлежните да ги откријат сторителите.

И градоначалникот на Струмица, Костадин Костадинов реагираше на социјалните мрежи, осудувајќи го оваа непочитување на Гоце Делчев.

„Да се сквернави споменикот негов е благо кажано идиотизам. Најостро го осудувам ваквиот вандалски, грозен чин. Во контакт сме со СВР Струмица и очекуваме сторителите дека ќе бидат најдени. Екипите на „Комуналец“ ќе го исчистат споменикот“, напиша Костадинов.