Бочварски: После 40 години работиме на рехабилитација на пет локални патишта во општина Босилово

„После 40 години работиме на рехабилитација на пет локални патишта во општина Босилово со вредност од преку 600.000 евра во населените места Иловица и Штука. Ја подобруваме инфраструктурата во сите општини и плански региони. Министерството работеше и на проширување на патниот правец Робово – Муртино кој не беше рехабилитиран од неговата изградба“, ова денеска го кажа министерот за транспорт и врски, Благој Бочварски на средба со граѓани во населените места во општината Босилово: Иловица, Штука и Турново.

Тој најави уште еден проект финансиран од Министерството за транспорт и врски – Реконструкција на дополнителни 760 метри од патниот правец Иловица – Турново.

„Како централна власт даваме силна поддршка за развој на општините и за подобар живот за сите граѓани“, додаде Бочварски.