Борче Цветков ги поканува струмичани на трибина на СДСМ со премиерот Ковачевски

Општинската организација на СДСМ во Струмица утре (среда, 9 Ноември), од 20:00 часот во Спортската сала „Парк“ организира Граѓанска трибина – „Силно и одлучно кон иднината“.
На трибината ќе говорат актуелниот премиер и претседател на СДСМ, Димитар Ковачевски, Костадин Костадинов од Извршниот одбор на СДСМ и градоначалник на Струмица и претседателот на струмичките социјалдемократи, Борче Цветков.
„Ве очекуваме на трибината за да бидеме сведоци на силно и одлучно кон иднината. Трибина која ќе Ви ги предочи сублиматот од сработеното на Социјалдемократскиот сојуз на Македонија во изминатиот период, но и редица други нешта кои ја отсликуваат реалната слика на македонската политичка сцена“ – кажа Борче Цветков во денешното обраќање до граѓаните и симпатизерите на СДСМ од струмичкиот регион, поканувајќи ги на утрешната трибина.