„Борец“ ќе ја предизвика „Струмица Никоб“ во финалето, откако вечерва ја победи „Шкендија“

ГОК „Борец“ ќе ја предизвика „Струмица Никоб“ во финалето на машкиот одбојкарски Куп на Македонија.

Велешани вечерва ја совладаа „Шкендија“ со 3:1 (14:25, 25:19, 25:17, 25:19) во полуфиналето на завршниот турнир во Радовиш, а претходно апсолутниот фаворит „Струмица Никоб“ славеше над „Универзитет во Тетов“о со 3:0 (25:19, 25:11, 25:23) и направи уште еден чекор кон 18-тиот клупски пехар, деветти во Купот.

Финалето е во сабота од 13:00 часот, а за утре се закажани полуфиналните пресметки кај дамите, Јанта волеј – Работнички Скопје од 17:30 часот и „Наковски Волеј“ – „Вардар жени“ од 20:00 часот.