Благој Ѓузелов од Струмица го почнува својот поход за освојување на Хималаите. Тој од вечерва ќе и се приклучи на македонската експедиција составена од десет планинари во искачување на врвот Island Peak (6165m), познат како Imja Tse, во близина на Лотце и Ама Даблам.
Попладнево неговите пријатели од Планинарско алпинистички и ориентационен клуб „ЕНТУЗИЈАСТ“ Струмица го испратија Благој и му посакаа среќен пат и успешно искачување на врвот.
Благој Ѓузелов е третиот струмичанец кој ќе се обиде да искачи еден од врвовите на Хималаите, по Серафим Серафимовски во далечната 1989 година и во 2009 година и неговата ќерка Билјана Серафимовска, која на 18-годишна возраст е најмладата од Европа што го освоиле врвот Island Peak.
Благој Ѓузелов е искусен планинар, ги освоил сите врвови на планините во Македонија, бил дел од алпинистички експидиции во Франција, Италија, Турција, Иран.
Ѓузелов упати благодарност до сите што дојдоа да го испратат на овој поход, му посакаа успех и со добро здравје да се врати во Струмица. Се надева дека успешно ќе ја претстави Струмица и Македонија во наредните 20-тина дена.
