Бесплатни прегледи до крајот на месец Април во нефролошката амбуланта на „Диаверум“ во Струмица

Во рамките на одбележување на Светскиот ден на здравјето 7-ми Април, Центарот за дијализа „Диаверум“ Струмица во својата новоотворена нефролошка амбуланта нуди бесплатен нефролошки преглед во текот на месец Aприл.

Спектарот на услуги коишто ги нуди нефролошката амбуланта започнува од дијагностика, третман и следење на бубрежно болните, преку скрининг на пациентите со ризик од развој на бубрежно заболување и превенција, до едукација на пациентите со бубрежни болести.

Бесплатните прегледи во нефролошката амбуланта опфаќаат:

– Детална анамнеза, физикален преглед и запознавање со медицинската историја,

– Ехоренографија.

Препорака од „Диаверум“ е лицата кои се опфатени со ризик факторите да направат контрола на бубрежната функција еднаш годишно, со цел навреме да се спречи влошување на работата на бубрезите. Станува збор за лицата кои што се опфатени со следните ризик фактори:

– Долгогодишен покачен крвен притисок,

– Шеќерна болест,

– Напредната возраст (над 65 години),

– Лица со долгогодишни срцеви заболувања (особено срцева слaбост),

– Хронично бубрежно оштетување кај член од семејството (наследни заболувања, како адултна полицистична бубрежна болест),

– Автоимуни заболувања (пример: Системски лупус еритематодес),

– Долгогодишни проблеми со бубрежни камчиња,

– Зголемена простата со опстуркција.

Закажете го Вашиот бесплатен преглед на: 034 358 094 или 071 259 371.