Членовите на официјалното жири на 19-от интернационален филмски фестивал „Астерфест 2024“, Зејгам Азизов од Велика Британија, Ганимет Сава од Косово и Никола Пијанманов од Македонија, вечерва едногласно ја донесоа одлуката за наградените автори и филмови.
- ГРАН ПРИ (Најдобар краток филм) за краткиот игран филм „ЉУБОВНИ МАКИ“ на Александер Саул [ММ Продукции, Данска].
- ЗЛАТНА ПОТКОВИЦА за краткиот анимиран филм „ГИЛГАМЕШ“ на Шаќир Весели [Албанија].
- СРЕБРЕНА ПОТКОВИЦА за краткиот игран филм „ПРОШЕТКА“ на Елеонора Венинова [Македонија].
- БРОНЗЕНА ПОТКОВИЦА за краткиот игран филм „ФОРТИСИМО“ на Виктор Цеска [Франција].
- НАЈДОБАР РЕЖИСЕР „АЦО АЛЕКСОВ“ за краткиот игран филм „ЧОВЕКОТ КОЈ НЕ МОЖЕШЕ ДА МОЛЧИ“ на Небојша Слијепчевиќ [Хрватска].
- НАЈДОБРО СЦЕНАРИО „ЃОРЃИ АБАЏИЕВ“ за краткиот анимиран филм „СПОМЕНИК“ на Сиџјиа Џенг и Џјашји Ву [САД].
- СПЕЦИЈАЛНО ПРИЗНАНИЕ ОД ЖИРИТО за краткиот документарен филм „ЗА ЖИВЕЕЊЕТО“ на Сезер Салихи [Македонија].
- СПЕЦИЈАЛНО ПРИЗНАНИЕ ОД ЖИРИТО за краткиот анимиран филм „МИГОВИ“ на Катја Фридрих [Германија].
Наградите на најдобрите филмови на авторите им беа доделени вечерва во Амфитеатарот во Струмица каде секоја вечер се прикажуваат филмовите од годинашното издание на „АСТЕРФЕСТ“.
Фестивалот продолжува и утревечер (недела), кога публиката ќе има можност да ја гледа раритетната копија на долгометражниот игран филм „Преку езерото“ во чест на лауреатот Антонио Митрикески, како и кратките филмови „Со кренати раце“ на Митко Панов и „Лифт горе, лифт долу“ во режија на Душан Наумовски.
На последната фестивалска вечер (понеделник), ќе бидат прикажани наградените кратки филмови, како и култниот филм „Црно семе“, во знак на 5-годишнината од смртта на Кирил Ценевски.
