Под мотото „Think health, think pharmacy“, кое потсетува дека грижата за здравјето започнува со стручноста и посветеноста на фармацевтите, вработените во Аптеки „ЕЛИКСИР“ во големиот градски парк во Струмица го одбележаа Светскиот ден на фармацевтите.
Голем број дечиња од прво и второ одделение кои престојуваат во Детската градинка сместена во паркот, но и голем број граѓани, случајни минувачи го посетија штандот на „Еликсир“, каде се фотографираа, добија пригодни подароци, а стручни лица – фармацевти им ја објаснуваа клучната улога на фармацевтите во унапредување на здравјето, правилна употреба на лекови и промоција на здрави навики во заедницата.
Светскиот ден на фармацевите се одбележува секоја година на 25-ти септември, по иницијатива на Меѓународната фармацевтска федерација (FIP) од 2009 година.
