![almak](https://strumicanet.com/wp-content/uploads/2024/12/srnet-banner-dec-2-optimized.jpg")
Автомобил удрил во четири малолетни лица кои туркале друго возило на регионалниот пат кај село Баница, струмичко. Во незгодата тешко повредени се две малолетнички и возачот на автомобилот, кој што удрил во нив, соопштија од струмичката полиција.
„Во околу 17:30 часот во СВР Струмица било пријавено дека на регионалниот пат во Баница, струмичко, патничко возило „Фолксваген пасат“ со струмички регистарски ознаки, управувано од В.С.(38) од Баница, удрило во четири малолетни лица од Баница, кои во моментот туркале патничко возило „Фолксваген пасат“ со струмички регистарски ознаки, управувано од М.М.(46) од Баница, а потоа удрило во бетонски ѕид“ – стои во соопштението на СВР Струмица.
Во незгодата со тешки телесни повреди се здобиле две малолетнички, а со телесни повреди се здобил возачот В.С., констатирани во болницата во Струмица. Извршен бил увид од увидна екипа од СВР Струмица.
