Шефот на Мониторинг одделот при мисијата на ОБСЕ во Скопје, Ебен Фридман денеска беше во посета на Струмица. Тој се сретна со градоначалникот Костадин Костадинов.
Како што информираат од Општина Струмица на средбата се разговарало на теми од областа на безбедноста во градот, новите предизвици со коишто се соочува општината во секојдневното
работење, начинот на кој што се решаваат проблемите и правецот во кој се води општината.
„Општина Струмица и Мисијата на ОБСЕ во Скопје имаат одлична соработка и долги пријателски односи, којашто меѓу другото го препозна успешното функционирање на Локалниот совет за превенција и го препорача како модел за останатите општини во државата. Токму, овој Совет не вброи меѓу 210-те градови и општини ширум светот кои се членови на Мрежата на силни градови“, напишаа во соопштението од Општина Струмица.
