Четири пожари во струмичко – опожарени автомобил, викендица, нискостеблеста шума, ѓубре, сува трева

Од Противпожарната единица на Струмица информираат дека во текот на вчерашниот ден пожарникарите интервенирале на четири локации во Струмица и струмичкиот регион.

На улицата „Стив Наумов“ во Струмица бил опожарен автомобил, во месноста „Софилар“ во Струмица гореала викендица, а спроти Градската капела било запалено ѓубре и сува трева.

Пожарникарите на Струмица интервенирале и во реонот помеѓу селата Чанаклија и Нова Маала во општина Василево каде горела нискостеблеста шума и сува трева.

Сите пожари биле навремено и успешно локализирани и ликвидирани, соопштуваат од ТППЕ Струмица.