Честитка од градоначалникот Костадин Костадинов до граѓаните од муслиманска вероисповед по повод Рамазан Бајрам

Градоначалникот Костадин Костадинов упати честитка до граѓаните на општина Струмица од муслиманска вероисповед по повод празникот Рамазан Бајрам.

„Почитувани граѓани од муслиманска вероисповед,

По завршувањето на Рамазанските пости и Вашите ифтарски вечери, повторно ја дочекавте тридневната радост која ви ја дарува големиот исламски празник Рамазан Бајрам, или, како што милувате да го нарекувате, Шеќер Бајрам.

Нека и ова Ваше празнување и радување биде исполнето со љубов, разбирање, добрина, благодат и милосрдие, кои на најдобар можен начин ќе знаете да ги споделите со луѓето од Вашето опкружување.

Ви посакувам, празничните денови да ви поминат во добро здравје, расположение, семејна среќа и хармонија, како и во доследно негување на Вашата духовна традиција.

Нека Ви е честит, среќен и вековит Рамазан Бајрам – Bajram Serif Mubarek Olsun“ – стои во честитката од градоначалникот Костадин Костадинов.